من رسائل الكونت الشخصى بعد اعتداء بلطجى اتصالات مصر على العميل
يقول: عادل عبد العزيز
انا عميل جديد في اتصالات رحت اشتري خط علشان كن في عرض يوم 26 الشهر الي فات علي الانترنت قالي يا تشتري خط ب 18 جنيه وتشحنه ب 10 جنيه يا اما تشتري خط كونترول ب 46 علي باقة كنترول الشهري او باقه كنترول اكتر , قولتله عايز كنترول اكتر وقالي تمام واتعملي العقد بكدا
قالي بمجرد ما توصل البيت هيكون العرض اتفعل , رحت البيت لقيت العرض الي اتعملي عرض كونترول الشهري 46 , مش العرض الي انا كنت متفق عليه وكالمعتاد .. , اتصلت بخدمة العملاء الي ردت عليا بشكل روتيني و علشان اتنقل من شخص لشخص اعلي منه استني من نص ساعه لساعه , تم عمل 3 شكاوي خاصة بالموضوع بتاعي , الي جانب ان في المره التالته متمش الاتصال بيا , نيجي للموضوع الاهم رحت الفرع تاني وكلمت مسئول المبيعات الي عملي العقد ومكتوب فيه نوع الباقه بتاعتي , قالي مدير الفرع الي عملك الباقة الي هيا كنترول الشهري في حين اني متعاقد علي كنترول اكتر ومفيش اي اجراء اني اغيرهالك وقالي سيب رقمك وهنتصل بيك , سيبت رقمي وكالمتوقع محدش عبرني , اتصلت بخدمة العملاء وكلمت موظف كتبلي الشكوة بالكامل واتبعتت ومحدش اتصل بيا بعد 3 ايام , بجانب دا كله انا تلقيت معاملة سيئة للغاية من احد السوبر فايزورز الي ردوا عليا في المكالمات , وتم بالفعل عمل شكوي للجهاز القومي للاتصالات وجاري ارفاق العقد وان شاء الله حقي هيرجع انا ببعت الرسالة دي علشان ابلغ ندمي اني كنت عضو في المنظومة دي , والرسالة دي بالكامل هيتم نشرها علي السوشيال ميديا بكل اشكالها , شكرا جزيلا
ليست هناك تعليقات :